Fullyrðingar um kosningasvik eru ábyrgðarhluti.
Vigdís Hauksdóttir lætur mikið fyrir sér fara. Hún er viss um að Dagur B. Eggertsson og hans fólk hafi lagt á ráðin um kosningasvindl fyrir síðustu kosningar.
„Ég er stolt af því að hafa kært borgarstjórnarkosningarnar til sýslumannsins á höfuðborgarsvæðinu,“ skrifar hún.
„Gildishlaðnar fullyrðingar um kosningasvik, líkt og bornar hafa verið fram í opinberri umræðu, eru ábyrgðarhluti í lýðræðissamfélagi,“ segir meirihlutinn í bókun í borgarstjórn, ekki síst um fullyrðingar Vigdísar Hauksdóttur.
„Lýðræðið víkur alltaf í valdatafli borgarstjórans í Reykjavík og meirihlutans sem virðist tilbúinn að verja hvaða vitleysu og hneyksli sem er,“ segir Vigdís.
„Kannski vita þau samt sem er, að þetta er búið og borgarbúar búnir að fá nóg. Dauðastríðið er hafið og þá eru öll meðul notuð – jafnvel þau sem þola ekkert „Dagsljós“. Sagan mun ekki dæma þá stjórnmálamenn vel sem hylma yfir lögbrot og spillingu
Þeirra verður skömmin og ábyrgðin og verði þeim að góðu.“
