Áskorun til yfirvalda og annara sem völd hafa til ákvarðanatöku varðandi útbreiðslu COVID – 19
Mér er orðið ljóst þó svo ég sé alls ekki sérfræðingur, að covid-19 er lífvera sem lifir með því að finna sér hýsil sem í okkar tilfelli eru manneskjur sem sagt við.
Eina skynsama leiðin er að loka veiruna af í nokkrar vikur og svelta hana til dauða Kínverjar og suður Kórea ásamt fleiri asíuþjóðum hafa gert slíkt með góðum árangri.
Ef öll Íslenska þjóðin fer í slíkt átak sem er ekki mikið öðruvísi en margir eru nú þegar að gera þar á meðal ég sem er 71 árs og þar af leiðandi í hættuflokki með undirliggjandi sjúkdóm ég er í sjálfskipaðri einangrun ásamt eiginkonu og hef verið í tæpar 2 vikur.
…ég er í sjálfskipaðri einangrun…
Ég treysti þjóð minni vel til að svelta þessa veiru til dauða með því að loka öllum leiðum að okkur Íslendingum sem tekur um það bil 3 til 4 vikur hún lifir ekki utan mannslíkama nema í fáa daga.
Til þess þarf aðeins að loka öllum samgangi manna á milli í 3 til 4 fjórum vikur nema í neyðartilvikum og þá til að sinna veiku fólki Það verður alveg ljóst á þeim tíma hvar veiran heldur til og í hverjum
Það verður miklu ódýrara og einfaldara fyrir okkar litla land að fara þessa leið. Við búum á eyju sem auðvelt er að loka fyri öll samskipti til og frá loka á ferðamenn og landamæri í þennan stutta tíma og skylda alla til að halda sig heima Hér er nægur matur bæði fiskur og kjöt ásamt grænmeti sem hægt væri að nálgast einu sinni til tvisvar á viku þetta er ekki flókið samanborið við hættuna sem fylgir því að gera það ekki og draga smit á langinn með ófyrirsjáanlegum afleiðingum Það má alls ekki gera veirunni kleift að finna sífellt nýja hýsla sem mun draga þennan sjúkdóm á langinn í margar vikur sem er algert glapræði finnst mér Eftir að hafa skoðað ýmsar ólíkar leiðir sem önnur lönd í Evrópu eru að fara er þetta leið sem hefur sannað sig.
Með ást og virðingu.
Magnús Þór Sigmundsson tónlistarmaður.