Meðan Bubbi spilaði sína bestu tónleika í áraraðir braut Bjarni Ben allar sóttvarnarreglur. Ólíkt hafast þeir að. Bjarni er lúði vikunnar. En ekki Bubbi. Bjarni á að víkja. Bubbi á að halda áfram.
Því skrifa ég um Bubba og Bjarna? Jú, vegna þess að gamla átrúnaðargoðið mitt, gúanórokkari okkar allra, notaði hæsta stig lýsingar til að lofa og prísa ríkisstjórnina. Ríkisstjórn sem horfir upp á aðgerðarlaus að aldrei hafa fleiri þurft að treysta á hjálparsamtök til að eiga að borða á jólunum.
Það eitt á að duga til að ríkisstjórnin sé fordæmd. Ekki síst af okkur, til dæmis Bubba og mér, sem höfum kynnst hinni hliðinni. Þeirri sem núverandi ríkisstjórn er skítsama um.
Í ofanálag var Bjarni í „fyrirmanna“leik þegar Bubbi hrósaði honum og samráðherrum hans.
Bubbi var annars frábær. Hvað hann færði margar sígildar perlur í nýja búninga og ekkert mistókst. Tónleikarnir stóðu í tvo og hálfan tíma. Ekkert mistókst. Frábær Bubbi.
Það er samt tvö atriði sem ég geri athugasemd við. Hólið á ríkisstjórn hinna kaldlyndu og Abbasöguna, enn og aftur.
