Forsetakjör Rétt á meðan ég var að lesa þennan kafla úr fínustu grein eftir Auði Jónsdóttur kom Bubbi Morthens laxveiðiáhugamaður og lýsti þar stuðningi við Katrínu Jakobsdóttur. „Vegna þess að hún hefur það,“ heyrðist mér vera lokaorð Bubba.
Jæja, hér er kaflinn sem ég var að lesa:
„Þegar forsetaframbjóðandinn yfirgaf stól forsætisráðherra lágu samt eftir frumvörp svo umdeild að einhver gætu endað inni á borði hjá forseta. Frumvörp sem varða almenning og fjöldann.
Fólkið í landinu. Alla þá raddlausu. Sem eiga heimtingu á að lýðræðislega rétt sé staðið að málum. Á gagnsæi. Og eðlilegri stjórnskipan.
Sjókvíeldismálið er til dæmis umdeilt mál sem fer í kvikuna á þjóðinni og snertir sáraukann vegna kvótakerfisins. Klassískt dæmi um mál sem gæti farið í þjóðaratkvæðagreiðslu en gerir það ekki nema forseti beiti málskotsréttinum.
Í húfi er endanlegt framsal á fiski í íslenskum fjörðum til norskra fyrirtækja. Eins og kunnugt er var frumvarp það afgreitt í matvælaráðuneytinu. Lagt fram af Bjarkey Olsen Gunnarsdóttur eftir fáa daga í embætti svo hún hefur varla verið sú sem samdi það, heldur frekar Svandís Svavarsdóttir eða Katrín á meðan hún leysti hana af í veikindaleyfi.“
Öðruvísi mér áður brá.
-sme
