Gunnar Smári skrifar:
Hinir sturluðu eru komnir í mikla vörn fyrir kvótakerfið, senda nú inn á völlinn Brynjar Níelsson, sem rennir sér skriðtæklingu á rassinum. Hann býr til graut úr frösum nýfrjálshyggjunnar og reynir að breiða yfir að Samherji fékk gríðarlegan gjafakvóta á upphafsári kvótakerfisins (svokallaðan skipstjórakvóta og þónokkurn uppbótarkvóta á Guðstein), keypti ári síðar á hrakvirði togara Bæjarútgerðar Hafnarfjarðar og fékk með þeim gríðarlegan kvóta og naut síðan stuðnings bankakerfisins við að komast yfir kvóta verr staddra útgerðar mörg ár þaðan í frá. Samherji er í grunninn hrægammafyrirtæki sem sölsar undir sig auðlindir almennings með öllum tiltækum ráðum; svikum, lygum, mútum, kúgun og hverju öðru sem dugar. Samherji er með öllu ærulaust fyrirtæki og auðvitað líka liðið sem mærir það sem framtíð sjávarútvegs á Íslandi. Brynjar ætti að birta með þessari grein yfirlit yfir það sem Samherji hefur styrkt hann og flokk hans á undanförnum áratugum. Eftir þátt Kveiks um mútugreiðslur Samherja til stjórnmálafólks er það lágmarkskrafa.
