Betra væri að skrifa, eins og Styrmir Gunnarsson, um spillingu annarra og hvernig við eigum að breyta þessu ömurlega samfélagi okkar.
Brynjar Níelsson skrifar:
Góður maður og velviljaður mér sagði við mig í gær að stjórnmálamenn, sem ætluðu sér frama í stjórnmálum, ættu ekki að slá á létta strengi á netinu enda aldrei tekið mark á slíkum mönnum. Sérstaklega er það mikilvægt þegar þeir eru hvorki fyndnir né skemmtilegir. Betra væri að skrifa, eins og Styrmir Gunnarsson, um spillingu annarra og hvernig við eigum að breyta þessu ömurlega samfélagi okkar. Mætti líka deila fjölskyldumyndum en þó ekki af elsta bróðurnum.
Ég hyggst taka þetta til mín og skrifa nokkra langa og ólæsilega pistla um stjórnmál næstu vikurnar og munu fylgja myndir af ömmu minni heitinni, sem mun aldrei hafa brosað svo vitað sé til.
