Brjóta niður kastalann og dreifa valdinu
„Svo er ekki amalegt að vera yngsti borgarfulltrúinn og samkvæmt minni bestu vitund, sú fyrsta af blönduðum uppruna, sem er mikilvægt fyir sýnileika jaðarsettra hópa.“
Einn helsti sigurvegari kosninganna var Sanna Magdalena Mörtudóttir, oddviti Sósíalistaflokks Íslands, í Reykjavík.
Hún er eðlilega alsæl og sendi frá sér þakkarávarp.
„Takk elsku félagar fyrir allan stuðninginn! Þetta er búið að vera magnað öskubuskuævintýri en nú ætlar þessi kjörni borgarfulltrúi ekki úr kastalanum á miðnætti, heldur er markmiðið að brjóta niður þennan kastala og dreifa valdinu úr honum aftur til fólksins.
Allt fólkið sem stendur á bak við þessa sósíalískuhreyfingu er svo magnað og ég er gríðarlega þakklát fyrir að hafa svona öflugt fólk með manni í baráttunni. Er full af þakklæti og baráttuvilja sem eflist með drifkrafti fólksins í kringum mig.
Takk enn og aftur!
Svo er ekki amalegt að vera yngsti borgarfulltrúinn og samkvæmt minni bestu vitund, sú fyrsta af blönduðum uppruna, sem er mikilvægt fyrir sýnileika jaðarsettra hópa.“
