Heildarlaunakostnaður Reykjavíkur vegna kjörinna fulltrúa Samfylkingarinnar var 109.697.372 árið 2015. Framsókn og flugvallavarvinir óskuðu eftir upplýsingunum.
„Í þessu svari er launakostnaði Samfylkingarinnar skipt í tvennt og laun borgarstjóra tekin út. Í fyrirspurninni var ekki spurt sérstaklega um launakostnað borgarstjóra, enda hefur það verið gert í annarri fyrirspurn sem svarað var í desember 2016. Samkvæmt svari þessu er heildarlaunakostnaður Samfylkingarinnar á árinu 2015 kr. 109.697.372,“ segir í bókun Framsóknarflokksins.
Nú er spurt meira. „Óskað er eftir upplýsingum um heildarlaunakostnað, ásamt launatengdum gjöldum, hvers stjórnmálaflokks á árinu 2016. Svarið skal taka yfir greiðslur til allra fulltrúa stjórnmálaflokkanna í nefndum og ráðum á vegum Reykjavíkurborgar.“
