„…varðar fugla sem setjast ætla á pálmana með fyrirsjáanlegum afleiðingum.“
„Meirihlutinn er kominn í öngstræti með exotíska listaverkið í Vogabyggð sem dómnefnd taldi óvænt, skemmtilegt og djarft,“ bókaði Vigdís Hauksdóttir í borgarráði.
„Á það skal bent að borgin er komin út í horn því tæpast er hægt að hætta við verkið nema að skapa höfundinum skaðabótarétt,“ sagði hún.
Meirihlutinn bókaði hins vegar; „Við valið á listaverki í Vogabyggð var farið rétt að í öllu og niðurstaða dómnefndar liggur fyrir. Það er von meirihluta borgarráðs að verkið rísi í nýju hverfi og veiti borgarbúum öllum gleði og að fleiri hverfi, byggð og óbyggð, fái að njóta listar í almannarými.“
Kolbrún Baldursdóttir Flokki fólksins hefur áhyggjur af fuglunum: „Eitt af því sem áheyrnarfulltrúi hefur bent á varðar fugla sem setjast ætla á pálmana með fyrirsjáanlegum afleiðingum.“
Kolbrún gerir einnig athugasemd við að borgarfulltrúar minnihluta og borgarráðs fengu upplýsingar um vinningstillögunina og aðdraganda hennar fyrst í fjölmiðlum. S“ýna hefði átt borgarráði hinar átta tillögur áður en tilkynnt var um vinningstillöguna. Þá hefðu borgarfulltrúar í það minnsta fengið tækifæri til að lýsa áliti sínu og umfram allt vitað hvers var að vænta áður en tilkynningin fór í fjölmiðla.“
