„Við höfum séð ákveðna bólumyndun áður í ýmsum greinum og við gerum reglulegar spár um hvað fjölgun ferðamanna kallar á mikla hóteluppbyggingu. Vöxturinn hefur verið ævintýralegur og miðað fjölgun ferðamanna erum við ekki að byggja of mikið af hótelum. En ég spyr mig hvort tuttugu prósenta vöxtur á ári sé góður og skynsamur. Hann útheimtir svo mikið. Þetta mikill segir að við verðum að tvöfalda fjölda hótelherbergja á hverjum þremur til fjórum árum. Þetta er ótrúlegt og það er ekki gott að stækka svona hratt,“ sagði Dagur B. Eggertsson borgarstjóri í samtali í þættinum Bítið á Bylgjunni í morgun, þegar hann talaði um fjölda ferðamanna og öra uppbyggingu hótela í Reykjavík.
En er sama hvar hótel eru byggð?
„Það er ekki sama hver við byggjum hótel. Það yrði ekki gott fyrir neinn ef Kvosin og miðborgarkjarninn verður eitt samfellt hótel. Við ræðum um að beina þeim annað, til að mynda að Hlemmi, í Borgartúnsvæðið.“
Hér má hlusta á allt viðtalið við Dag B. Eggertsson.
