Bakhjarlar Bjarna og Sjálfstæðisflokksins, Samtök atvinnulífsins og Samtök ferðaþjónustunnar, senda Bjarna skýr skilaboð.
Bjarni Benediktsson virðist ekki sjá fram fyrir eigið skrifborð. Hann er manna vanastur skítareddingum. Það sýna dæmin frá mislukkaðri þátttöku hans í viðskiptalífinu. Enn flækist Bjarni í eigið net.
Hann ætlar að redda Icelandair. Vissulega mikilvægt félag. Bjarna yfirsást í öllu óðagotinu að Icelandair er ekki bara flugfélag. Í fangi félagsins er margt annað sem ekki þykir tilhlýðilegt að ríkið ábyrgist. Svo sem ferðaskrifstofa og fleira.
Bjarni verður heimaskítsmát. Verður rekinn til baka með sitt misheppnað frumvarp. Annað verður samið eða klúður Bjarna lagað.
Bakhjarlar Bjarna og Sjálfstæðisflokkinn, Samtök atvinnulífsins og Samtök ferðaþjónustunnar, senda Bjarna skýr skilaboð.
Á Túrista má lesa:
Enn bíða Bjarna reddingar. Skítareddingar. Vanur maður.
„Áfram styðja samtökin tvö málið og hvetja til þess að það verði klárað í ljósi aðstæðna og kerfislegs mikilvægis Icelandair. Núna er hins vegar lagt til að fjárlaganefnd skoði hvort rétt sé að ábyrgðinni fylgi það skilyrði að hún verði einvörðungu nýtt í flugrekstri. Lánveitingin yrði þá til Icelandair ehf. en ekki Icelandair Group hf. líkt og tilgreint er í nýrri umsögn SA og SAF.
Staðreyndin er sú að umsvif Icelandair Group takmarkast ekki við millilandaflug. Fyrirtækið er líka stórtækt á öðrum sviðum ferðaþjónustu og í flutningastarfsemi. Á þetta er meðal annars bent á í umsögnum til fjárlaganefndar frá forsvarsfólki íslenskra ferðaþjónustufyrirtækja, þar á meðal Atlantik, Snæland – Grímsson og Go North.“
Enn bíða Bjarna reddingar. Skítareddingar. Vanur maður.
-sme