Gunnar Smári skrifar: Í ljósi endurkomu Björns Inga Hrafnssonar í fjölmiðlaheiminn, fyrst í gegnum vef hans viljinn.is en þó einkum fyrir stjörnuleik á kynningarfundum almannavarna um kórónafaraldurinn má spyrja hver fjármagnar Viljann hans Björn Inga? Sá gengur alla vega ekki á auglýsingatekjum.
Undanfarin ár hefur oft komið fram hvernig auðmenn hafa haldið úti fjölmiðlum, ýmist til að koma á framfæri umfjöllun um sig eða þá til að að koma í veg fyrir umfjöllun. Til þessa hafa auðmenn varið tugum og hundruðum milljóna, ausið þeim í miðla sem ekki virðast hafa neitt erindi né rekstrarlega forsendu.
Ekki veit ég hver fjármagnar Viljann og endurkomu Björns Inga. En ég veit að þegar ég slæ inn Samherji í orðaleit á Viljanum þá koma upp 35 fréttir um Samherja og þær eru … hvað skal segja … eins og snýttar út úr nösinni á Þorsteini Má.
