Gunnar Smári skrifar:
Björn Bjarnason er eiturtunga og slefberi sem Sjálfstæðisflokkurinn, með stuðningi allra þingflokka, heldur á launum frá almenningi fyrir tilgangslausa skýrslugerð, en sem eru í raun laun fyrir að sverta pólitíska andstæðinga Sjálfstæðisflokksins og grafa undan baráttu almennings fyrir réttlæti, mannvirðingu og jöfnuði. Sjálfstæðisflokkurinn sækir með sama hætti fé til almennings til að launa Hannesi Hólmsteini þann óhróður og illmælgi sem vellur upp úr honum.
Með ólíkindum er að aðrir flokkar taki þátt í þessu, þeir virðast njóta þess að vera undir hæl Sjálfstæðisflokksins. Hér reynir Björn að grafa undan því hugsjónafólki sem hefur reynt að láta raddir hinna veikast settu heyrast, sem er stór glæpur í augum þeirra sem tigna valdið og þola það ekki þegar heyrist í þeim sem það kremur undir hæl sínum.
