Allir borgi jafnt, ofurríkir sem bláfátækir.
„Samfylkingin saknar þess eins og venjulega að sjá ekki skattahækkanir.“ Þetta sagði Bjarni Benediktsson á þingi í gær þegar hann átti í orðaskiptum við Oddnýju Harðardóttur.
Þetta kemur úr hörðustu átt. Bjarni og ríkisstjórn hans og Katrínar boðar verulegar skattahækkanir og nýja skatta. Þau vilja umfram allt jafna skattana þannig að allir borgi jafnt, sömu krónutölu. Burt séð frá tekjum eða efnahag.
Það á að hækka útvarpsgjaldið, áfengisgjald og tóbaksgjalds og að auki er lá að hækka verð á áfengi og tóbak. Gjald í framkvæmdasjóð aldraðra hækkar einnig um 2,5 prósent og sóknargjöld verða 930 krónur á einstakling á mánuði, sem samsvarar hækkun um 0,56 prósent.
Ríkisstjórnarflokkarnir eru sammála að auki um að leggja á ævintýralega háa umferðaskatta. Að hætti hægri stjórnar verður þess gætt sérstaklega að skattarnir taki alls ekki mið af tekjum eða stöðu fólks. Allir borgi jafnt, ofurríkir sem bláfátækir.
Þetta er pólitískt bingó hjá Bjarna.
