Bjarni Benediktsson stendur sína plikt. Tryggur sjálfum sér, og sínum. Er kapítalískur eins og honum er ætlað að vera. Nú stefnir í verra. Kapítalistarnir á Teslunum eru blankari en þeir hafa verið síðustu ár.
Bjarni hefur greinilega skoðað og lesið skjölin þeirra og hlustað á kvartanir yfir hinu og þessu. Blóð er jú þykkara en vatn. Nánustu ættingjar eru á kafi í bissness. Bjarni verður að koma til hjálpar.
Og það mun hann gera: „Og ég tel að við munum áður en langt um líður þurfa að taka afstöðu til þess hversu langt við værum mögulega tilbúin að ganga í beinum styrkjum til fyrirtækja til að þau missi ekki leiguhúsnæði tapi ekki starfsmönnum og svo framvegis,“ sagði Bjarni Benediktsson á Alþingi.
Bjarni er búinn að opna dyrnar að fjárhirslum ríkisins og græðgisfólk mun taka það sem það þarf. Í boði Bjarni á okkar kostnað.
Bjarni hefur lesið heima. Hann ætlar að þjóna sínum.
-sme
