Jón Örn Marinósson skrifaði:
Ríkisstjórnin sat á löngum deltafundi í Ráðherrabústaðnum fyrr í dag. Er svo að sjá af ákvörðunum, sem þar voru teknar, að ráðherrarnir hafi komið sér saman um að hafa svo sem engar sérstakar áhyggjur af fjórðu bylgju faraldursins hér á landi. Við skulum vona að það sé raunsætt mat svona skömmu fyrir kosningar. Það kom mér hins vegar á óvart í fréttum Ríkisútvarpsins klukkan 15:00 að heyra fjármálaráðherra hvessa röddina og skammast út í Landspítalann og segja að Landspítalinn væri helsta vandamálið í þessari fjórðu bylgju faraldursins. Ég verð að segja eins og er að ég hélt að eftir eitt og hálft ár í baráttu við kótvítveiruna ætti starfsfólk spítalans annað skilið en ávítur frá fjármálaráðherra.
Fyrirsögnin er Miðjunnar.