„Við sjáum ekki þá erfiðu stöðu heimilanna sem maður hafði áhyggjur af.“
„Ég vek athygli á því að við höfum náð mjög miklum árangri nú þegar og við sjáum ekki þá erfiðu stöðu heimilanna sem maður hafði áhyggjur af. Það var ekki sjálfgefið,“ sagði fjármálaráðherra Íslands á Alþingi í gær.
Má vera að Bjarni miði aðeins við heimilin í sínu íbúðarhverfi? Ekki við þau heimili sem ekki ná endum saman og neyðast til að leita til hjálparstofnana til að forða sér og sínum frá hungri? Þetta eru virkilega ósmekkleg orð hjá ráðherranum.
Fólk sem hefur verið lengi atvinnulaust og fær nú einungis fátæktarstyrki sveitarfélaga á bágt. Heimili þessa fólks eru í erfiðri stöðu.
Hvaða töfralausnir telur Bjarni að hafi gert stöðuna svona fína?
„Ég held að Seðlabankinn hafi leikið mjög stórt hlutverk í því með því að grípa snemma inn í og búa til svigrúm fyrir fjármálakerfið til að standa með heimilum og fyrirtækjum og aðgerðir ríkisstjórnarinnar hafi síðan komið í kjölfarið og samhliða reyndar af því að við stigum strax inn í þessa mynd með frestun gjalddaga og öðrum slíkum aðgerðum. Seðlabankinn, ríkisstjórnin, Alþingi og fjármálakerfið hafa því staðið með heimilunum eins og þurfti.“
Meira lifandis bullið í þessum manni. Hann nær toppa sjálfan sig, aftur og aftur.
-sme
