Þuríði Hörpu Sigurðardóttur, formanni Öryrkjabandalagsins, var brugðið, sem flestum öðrum þegar Bjarni Benediktsson missti stjórn á skapi sínu á Alþingi í gær:
„Ef háttvirtur þingmaður vill mæla það í hafragrautsskálum eru þetta margar hafragrautsskálar,“ …sagði maður á þinginu sem finnst stjórnvöld hafa gert afar vel við sárafátækt og fátækt fólk á þessu ágæta kjörtímabili. Bendi í því samhengi á að sá hluti öryrkja sem hefur laun sín frá ríkinu fékk heil 3,6% launahækkun um áramót, í dag er 4,3% verðbólga sem þýðir að sú kjaragliðnun sem þessi hópur hefur búið við í meira en áratug mun verða meiri. Þennan ágæta þingmann hvet ég til, að sýna því fólki sem hér býr við lökust kjör, sem reyndar hann sjálfur skammtar þeim, virðingu!