Bjarni hótar launafólki

Bjarni Benediktsson hótar, í viðtali við Moggann í dag, að verði samið í komandi kjarasamningum á annan veg en hann helst kýs, að þá hætti hann við boðaðar lækknanir á tekjuskatti og þess í stað segist hann ætla að hækka skattana, ekki lækka.

Víst er að Bjarni einn ræður hvort verður, skattahækkanir eða skattalækkanir. Samstarfsflokkarnir í ríkisstjórninni munu eflaust ekkert hafa um það að segja.

Bjarni segir til dæmis í Mogganum:

„Við þurf­um að fara að snúa umræðunni á Íslandi upp í það fyr­ir hvaða launa­hækk­un­um er svig­rúm í hag­kerf­inu. Ef launa­hækk­an­ir eru langt um­fram það svig­rúm sem er sann­ar­lega til staðar í hag­kerf­inu fer að vera mikið vafa­mál hvort stjórn­völd gera rétt í því að fylgja eft­ir áform­um um lækkanir á tekju­skatti ein­stak­linga. Við höf­um boðað skatta­lækk­an­ir í þágu þeirra sem eru í neðra þrep­inu, lægri- og milli­tekju­hóp­un­um, en það er óskyn­sam­legt að fylgja því eft­ir ef kjara­samn­ing­ar fara úr bönd­un­um og menn eru að taka út meira en inni­stæða er fyr­ir. Þá þarf að huga mjög vel að tíma­setn­ingu slíkra aðgerða. Þær eru hugsaðar til að greiða fyr­ir samn­ing­um en ekki til að greiða fyr­ir óá­byrg­um samn­ing­um. Þetta gæti verið óskyn­sam­legt að gera ef Seðlabank­inn væri á sama tíma að draga úr spennu í hag­kerf­inu með hækk­un vaxta.“

Ekki fer á milli mála að Bjarna er alvara. Fari samningar á anna hátt en hann vill segir hann launafólk eiga eftir að finna til tevatnsins. Eflaust mun sumu fólki Bjarni efna til ófriðar með hótunum gegn launafólki.

Það er ekki bara launafólk á almennum markaði sem Bjarni hefur í hótunum við. Bjarni bendir ríkisstarfsmönnum á að ríkissjóður hafi ekkert svigrúm til launahækkana.

Björgvin Guðmundsson hefur verið duglegastur allra til að benda á launagjána í samfélaginu, sem stækkaði mikið vegna launahækkana til handa Bjarna og öðrum í „hálaunaelútunni“.

Hér eru skrif Björgvins frá því gær.

Gífurlegar launahækkanir þingmanna