Sigurjón Magnús Egilsson:
Bágt er að trúa að Bjarni hafi hætt í fjármálaráðuneytinu vegna úrskurðar umboðsmanns Alþingis. Nú sést svo vel að Bjarni var búinn að mála sig út í horn í fjármálaráðuneytinu.
Leiðari Bjarni Benediktsson, formaður Sjálfstæðisflokksins, er ekki í góðum málum. Allt frá því hann tók við formennsku hefur fylgið hrunið af flokknum. Nú er staðan kolsvört. Átján prósenta fylgi er rétt um helmingur þess sem áður þótti ásættanlegt.
Bjarni leitar leiða til að rétta flokkinn af. Í örvæntingu hefur hann teygt sig lengra til hægri. Stakk lúkunni á kaf í drullupoll. Framganga hans síðustu daga hefur verið með eindæmum. Nú rær hann gegn mannúð. Hann mun ekki bjarga sér og flokknum þó hann kreppi hinn harða stálhnefa framan í fólk sem býr við skelfingu.
Bágt er að trúa að Bjarni…
Bágt er að trúa að Bjarni hafi hætt í fjármálaráðuneytinu vegna úrskurðar umboðsmanns Alþingis. Nú sést svo vel að Bjarni var búinn að mála sig út í horn í fjármálaráðuneytinu. Hann flúði ráðuneytið og færði Þórdísi K.R. Gylfadóttur varaformanni að reyna hvað hún getur til að koma skikk á málin þar. Sem hún ekki getur.
Bjarni var ekki fyrr kominn í utanríkisráðuneytið en hvert asnasparkið fylgdi öðru. Í fjármálaráðuneytinu er allt í flækju. Þórdís reynir að greiða úr flækjunni. Flækju sem tók Bjarna tíu ár að búa til. Þórdísi er vorkunn. Að hreinsa upp eftir Bjarna er ekki á færi venjulegs fólks.
Best færi á að Bjarni boði til landsfundar þar sem hann segir af sér formennsku og ný forysta verði kjörin. Sjálfstæðisflokkurinn á kannski ekki betra skilið. Annað er ómögulegt en í flokknum sé fólk sem vill þetta ekki. Vill nýja forystu. Bjarni getur ekki endalaust haldið flokknum í herkví.
