Baldvin Jónsson, tengdafaðir Bjarna Benediktssonar, tilkynnir óréttmæti sagna um að Bjarni ætli að hætta þátttöku í stjórnmálum í haust. Ragnar Önundarson og fleiri hafa leitt líkum að því.
Baldvin skrifar:
„Nafnlaust fólk fjallar um að stjórnmálamaður sé að hætta störfum. Svo er reynt að ala á allskyns tortryggni í garð viðkomandi, allt meira og minna byggt á dylgjum sem ill mögulegt er að stöðva enda svo mikið bull á ferðinni. Svo er efnt til skoðanakannana þar sem spurt er hvort fólk telji að viðkomandi sé að hætta í stjórnmálum? Viðkomandi kannast ekki við það en samt heldur fólk áfram með sora, dylgjur og ómerkilegheit. Er ekki í lagi með okkur þessa annars ágætu Þjóð? Eða er hún það ekki svona upp til hópa?“