Nú eru Vinstri græn vera blysberar þeirra stefnu sem þau áður börðust gegn.
„Vinstri græn leggja áherslu á að ríkið verði áfram eigandi Landsbankans. Aðskilja þarf starfsemi bankanna í viðskipta- og fjárfestingastarfsemi og hins vegar í innlenda og erlenda starfsemi. Gera þarf nauðsynlegar lagabreytingar til að skapa umgjörð um starfsemi samfélagsbanka sem starfa samkvæmt umhverfis- og samfélagssjónarmiðum,“ segir í opinberri stefnu Vinstri grænna.
„…og sérstaklega hvort það standi þá til að breyta eðli þessarar fjármálastarfsemi, Íslandsbanka eða Landsbanka, breyta þeim í samfélagsbanka og hvaða arðsemishugmyndir eigi þá að vera uppi vegna þess eigin fjár sem þar er bundið,“ sagði Bjarni Benediktsson í umræðu um hvítbókina hans.
„Við erum með meira en 100 milljarða í hvorum banka, yfir 200 milljarða í Landsbankanum. Það verður að taka þetta í einhverju samhengi. Auðvitað er hægt að segja: Samfélagsbanki og samfélagsbanki, það eru mismunandi útfærslur á því. En í grunninn var verið að vísa til þess að menn ættu að hætta að hafa arðsemi af eigið fé. Það þarf aðeins að botna svona hugmyndafræði,“ sagði Bjarni þegar hann átti í orðaskiptum á Alþingi.
„Aukin einkavæðing hefur svo aukið þessa misskiptingu eigna þar sem eignir hverfa úr almannaeign og verða eignamestu aðilunum að féþúfu,“ segir svo í stefnuskrá VG.
Nú eru Vinstri græn blysberar þeirra stefnu sem þau áður börðust gegn. Traust almennings til Alþingis fer þverrandi.
