Bjarni er lyginn með afbriðgum
![](https://external-lht6-1.xx.fbcdn.net/safe_image.php?d=AQCiVjrT6K5NJnKT&w=540&h=282&url=https%3A%2F%2Fwww.ruv.is%2Fsites%2Fdefault%2Ffiles%2Fstyles%2F1000x563%2Fpublic%2Ffr_20200424_136103.jpg%3Fitok%3DkPwowt1Y&cfs=1&upscale=1&fallback=news_d_placeholder_publisher&_nc_hash=AQAVFTy6aTHUX1Ik)
Gunnar Smári skrifar:
Merkilegt hvað þessi maður kemst upp með mikil ósannindi í umræðunni. Fjölmiðlanefnd og þjóðaröryggisráð ættu að skipa sérstaka nefnd til að halda utan um upplýsingaóreiðuna sem stafar frá honum. Hér heldur hann því fram að aðgerðir ríkisstjórnarinnar séu að virka fínt, þvert á það sem allir vita.
Frá því að ríkisstjórnin kynnti til dæmis ríkisábyrgð lána til fyrirtækja liðu fjórar vikur þar til Seðlabankinn kláraði reglurnar um þessi lán og síðan hefur ekki eitt einasta lán verið veitt, þessi aðgerð situr föst í bankakerfinu vegna þess að hún er hentar ekki þessari kreppu, er feilskot langt yfir markið, endaði fyrir aftan stúlku.
Sama má segja með um flestar aðrar aðgerðir ríkisstjórnarinnar, þær eru ýmist ekki nógu vel grundaðar, ekki nógu vel undirbúnar eða nógu vel framkvæmdar. Langt, langt inn í ástandið eru heilu hóparnir enn án tekna og nokkurrar aðstoðar. Meðal annars leiðsögumenn, sem fyrstir misstu vinnuna og sem eru verst verndaðir, harkarar utan hins formlega vinnumarkaðar. Lokunarstyrkir til örfyrirtækja eiga að koma einhvern tímann eftir að þau opna aftur! Af hverju mátti það ekki koma strax?
Og það er fyrirsjáanleg niðurstaða þegar þessi maður, Bjarni Benediktsson, er nánast einráður um aðgerðir þjóðarinnar til að mæta kreppunni. Hann er ekki bara þekktur fyrir að vera lítill verkmaður og latur með afbrigðum (væri nú í Flórída á vindsæng í sundlaug ef Trump hefði ekki lokað Bandaríkjunum) heldur er hann haldinn svo alvarlegum nýfrjálshyggjukreddum að honum er ómögulegt að sjá raunverulegt ástand atvinnulífsins, skilja úr hvaða tækjum ríkisvaldið hefur úr að velja og svo klíkuvæddur að hann ræður ekki við þrá löngun sína að sníða allar aðgerðir að eigin þörfum og vina sinna. Og svo er hann lyginn með afbrigðum, eins og heyra má í hverju viðtali. Til dæmis þessu.