Bjarni Benediktsson er kominn heim. Hann gaf samstundis út yfirlýsingu um að sóttvarnarreglum verði breytt verulega. Sýndi og sannaði hver fer með völdin. Það er hann. Ekki Katrín og ekki Willum Þór. Nei það gerir Bjarni Benediktsson.
Það sem Bjarni vill það verður. Framsóknarflokkur og Vinstri græn hafa beygt sig undir hans vald. Bjarni er ekki bara fjármálaráðherra. Segja má að hann se Íslandsráðherra. Maður valdsins.
Meðan Bjarni var á skíðum í útlöndum var Alþingi að fjalla um hans mál. Að honum fjarverandi. Það fór sem flest grunaði. Bjarni þarf ekki að vera til staðar, mæta í þingið. Til þess hefur hann varaformanninn.
Að auki leiðist honum þingsetan. Hann er maður valdsins. Ekki málstofunnar við Austurvöll. Nú verður slakað á sóttvörnum. Ekki verður hlustað á Þórólf lengur. Bjarni er búinn að gefa út yfirlýsingu. Það dugar.
-sme