Margir gæti haldið að hann væri lygari, en þá ber að hafa í huga að lygarinn er í tengslum við raunveruleikann.
Gunnar Smári skrifar:
Þessi ríkisstjórn er að sprengja öll met í vanhæfni og vesældóm. Og Bjarni Benediktsson er líklega sá fjármálaráðherra sem við höfum haft, sem hefur minnsta innsýn hefur inn í hvernig samfélagið eða efnahagslífið virkar. Vandinn við Engeyinga er að þeir eru vitlausir, værukærir og illa að sér. Þeirra business gengur út á að einhver frá bankanum hringir í þá og segir þeim að fara úr krónunni, taka út úr sjóð níu, kaupa þetta eða selja hitt. Þeir hugsa ekki vegna þess að þeir þurfa ekki að hugsa, kerfið sér um þá. Þeir eru kerfið, það er smíðað í kringum þá. Kerfið, það er ég.
Þetta er einkennandi fyrir Bjarna.
Það sem Bjarni hugsar er um hvenær hann komist til Flórída í húsið hans pabba sem er í eigu aflandsfélags. Og svo auðvitað um hvernig hann geti troðið vinum sínum í stjórnir, stöður, nefndir og annað svo þeir geti stoppað framþróun og þroska, haldið niðri hinum veikar settu og bein fé til Bjarna, ættingja hans og vina.
Þetta eru stærstu einstöku efnahagsaðgerðir sögunnar,“ sagði Bjarni Benediktsson þegar hann kynnti aðgerðirnar í mars, fyrir meira en þremur mánuðum. Það eina sem hefur virkað af því sem þá var kynnt var hlutabótaleiðin, aðferð sem reynd var eftir Hrunið 2008, bæði hér heima og víða um heim. Íslenska útgáfan var reyndar svo vitlaus að þótt hún hafi tryggt afkomu margra þá fór líklega 1/3 í vasann á fyrirtækjaeigendum sem þurftu ekkert á þessu að halda. Þetta var árshátíð þjófanna. Annað hefur ekki virkað og heldur ekki það sem kynnt hefur verið síðar. Eins og t.d. stuðningslánin. Þegar þau voru kynnt sagði Bjarni að vefur yrði opnaður snemma í maí til að taka við umsóknum. Ekkert hefur frést af þeim vef síðan.
Þá er ekkert annað að gera en fella það.
Þetta er einkennandi fyrir Bjarna. Margir gæti haldið að hann væri lygari, en þá ber að hafa í huga að lygarinn er í tengslum við raunveruleikann, þekkir hann og sveigir, breytir eða hafnar veruleikanum. Bullukollar eru hins vegar í engum tengslum við raunveruleikann, vaða um í eigin ímyndunum, sannfærðir um að þær séu veröldin sjálf; að þeir semji hana í raun jafnóðum; allt sem þeim dettur í hug sé satt, allt sem vellur út úr munninum á þeim sé fagurt. Bjarni er þeirrar gerðar. Eins og Trump. Hann er bullukollur.
Ég veit þið viljið trúa að ráðherrarnir hljóti að vera að leggja sig fram um að bjarga samfélaginu, að það hljóti bara að vera, að þannig hljóti heiðvirt fólk að hegða sér. Sorrí. Af ávöxtunum skulið þér þekkja þá. Ef ávextirnir eru feysknir og skemmdir er það vegna þess að tréð er spillt. Þá er ekkert annað að gera en fella það.
