Sigurjón Þórðarson:
Allir vita að Bjarni er spilltur – það er ekkert nýtt en það sem mun hins vegar öruggglega láta þorra þjóðarinnar fá algeran aulahroll yfir jólin…,
Skipan Svanhildar Hólm sem sendiherra er skýrt merki um að Bjarni Ben sé að kveðja stjórnmálin og sé að koma vinunum sínum í skjól. Allir vita að Bjarni er spilltur – það er ekkert nýtt en það sem mun hins vegar öruggglega láta þorra þjóðarinnar fá algeran aulahroll yfir jólin, verður þegar Katrín forsætisráðherra mun „rökstyðja“ þessa vitleysu. Það verður nefnilega ekki úr miklu að moða fyrir Katrínu en ég minnist þess ekki að Svanhildur hafi nokkru sinni tjáð sig um utanríkismál eða hafi í mikinn reynslubrunn að sækja á svið alþjóðastjórnmála.
Á móti kemur að Svanhildur hefur tjáð sig um ofvirknilyf og jú líkt og Katrín, séð um stigavörslu í Gettu betur. Hvaða grín var það annars þegar ríkisstjórnarflokkarnir lýstu því yfir við myndun stjórnarinnar á sínum tíma að ætlunin væri að auka traust á stjórnmálin og stjórnsýsluna í landinu?