„Það væri óskynsamlegt af öllum aðilum að ætlast til þess að þeir séu teknir út úr því stóra samhengi sem við erum öll föst í.“
Bjarni Benediktsson.
Bjarni Benediktsson stillir viðbrögðum vegna Grindavíkur gegn kröfum launafólks um að ríkið skili til baka því sem hefur verið skorið af barnabótum og vaxtabótum. Þannig að fólk verði a velja hvort það vill, aðstoða Grindvíkinga eða löngu tímabæra leiðréttingu á tilfærslukerfunum.
„Það eru uppi mjög háværar kröfur um að ríkið leggi mikla fjármuni inn í tilfærslukerfin til þess að loka kjaralotunni sem stendur yfir núna. Menn segja bara beint út, ef að ríkið stendur ekki við það sem við viljum að ríkið geri þá verði engir kjarasamningar. Ríkið er bara við öll, þannig að þegar ríkið og við öll þurfum að taka á svona stóru máli eins og Grindavíkurmálið er þá auðvitað hefur það áhrif á getu okkar til að teygja okkur í átt að kröfum annarra sem á sama tíma eru að biðja okkur um að leggja eitthvað af mörkum,“ sagði Bjarni Benediktsson í Silfrinu í dag.
„Ég held að við hljótum að gera þá kröfu að menn taki tillit til heildaraðstæðna, það væri óskynsamlegt af öllum aðilum að ætlast til þess að þeir séu teknir út úr því stóra samhengi sem við erum öll föst í,“ sagði Bjarni Benediktsson í Silfrinu. Þetta kemur fram á ruv.is.
-sme
