„Ákall ríkisstjórnarinnar um samráð er sýndarmennska og þannig hefur það verið allt kjörtímabilið.“
„Miðflokkurinn hefur flutt yfir 20 breytingartillögur við fjárlög og fjáraukalög á þessu kjörtímabili. Þær hafa allar verið felldar. Sjálfstæðisflokkurinn felldi allar tillögur okkar um að draga úr ríkisbákninu en auglýsir svo að minnka þurfi báknið. Sýndarmennskan er yfir og allt um kring,“ sagði Birgir Þórarinsson á Alþingi í júní í sumar, skömmu fyrir kosningabaráttuna.
„Ákall ríkisstjórnarinnar, um samráð á erfiðum tímum, fór ekki fram hjá Miðflokknum og svöruðum við ákallinu með fjölmörgum tillögum. Við studdum tillögu ríkisstjórnarinnar í baráttunni við veirufaraldurinn. Hún svaraði með því að fella allar tillögur Miðflokksins. Ákall ríkisstjórnarinnar um samráð er sýndarmennska og þannig hefur það verið allt kjörtímabilið. Miðflokkurinn benti strax í upphafi kjörtímabils á nauðsyn þess að mæta rekstrarvanda hjúkrunarheimila. Á það var ekki hlustað. Ríkisstjórnin treystir sér ekki til að leysa vandann til frambúðar,“ sagði Birgir ekki löngu áður en hann sagði skilið við Miðflokkinn og gekk í fang þeirra sem hann fyrir fáum vikum gagnrýndi ríkisstjórn Sjálfstæðisflokksins af mikill hörku.
Fleira verður týnt til á næstu dögum.