Þær voru á móti meirihlutanum og Sjálfstæðisflokki.
Meirihlutinn í borgarstjórn lagðist á árar með Sjálfstæðisflokki í fyrsta skrefi að einkavæðingu bílastæðahúsa borgarinnar. Sósíalistaflokkur, Flokkur fólksins og Miðflokkurinn voru á móti og var tillagan því samþykkt með tuttugu atkvæðum gegn þremur.
Tillaga þessa mikla meirihluta er svona:
Borgarstjórn samþykkir að fela umhverfis- og skipulagssviði, í samráði við Bílastæðasjóð, að skoða bestu leiðir varðandi rekstur þeirra sjö bílastæðahúsa sem sjóðurinn rekur í miðborg Reykjavíkur, þar með talið rekstrarútboð, með það fyrir augum að bæta nýtingu, efla þjónustu og auka hagkvæmni. Einnig skal rýna fyrirkomulag rekstrarins út frá markmiðum borgarinnar varðandi stýringu bílastæða, bætta nýtingu borgarrýmis, bílastæðastefnu og stefnu aðalskipulags. Sviðið skili tillögum til skipulags- og samgönguráðs fyrir 1. ágúst 2019.
