Bílapissumaður leikur lausum hala á Nesinu
„Að þeirra sögn þá var hann alveg að dunda sér við þetta og var því eins og um einbeittan brotavilja væri að ræða ég veit ekki til þess að einhver eigi eitthvað sökótt við okkur hjón og því má ætla að það sé einhver bílapissumaður sem leikur lausum hala hér á Nesinu. Þið sem finnið mögulega undarlegan þef, af eða inni í bílum ykkar næstu daga, vitið þá af þessu.“
Þetta er úr bréfi sem kona á Seltjarnarnesi sendi sveitungum sínum til upplýsinga.
Það var á bílastæði á Hrólfsskálamel um kvöldmatarleytið sem pissumaður var að verki. Börn konunnar komu að manninum við að pissa yfir bílinn fjölskyldunnar. Börnunum, fimm og ellefu ára, var eðlilega brugðið.
„Þau koma hlaupandi heim og sögðu mér að það væri einhver ljóshærður kall að pissa yfir bílinn okkar,“ skrifar konan.