Bið ég kaptein Georg afsökunar á þessari vanþekkingu.
Jón Örn Marinósson skrifar:
Skylt er „að hafa það heldur er sannara reynist“. Ekki hafði ég gert mér grein fyrir að það væri í verkahring Landhelgisgæslunnar að fylgjast grannt með því hvar og hvenær væri boðað til ráðherrafundar, afla jafnframt nákvæmra upplýsinga um hvar á landinu hver ráðherra væri staddur að morgni fundardags og sjá til þess að sérhver ráðherra næði að koma tímanlega til fundarins. Bið ég kaptein Georg afsökunar á þessari vanþekkingu. Ég játa jafnframt að voru mistök hjá mér að halda að dómsmálaráðherra hefði að eigin frumkvæði hringt í kaptein Georg og beðið hann að ná í sig á þyrlunni til Víkur í Mýrdal. Ég lofa að láta þetta aldrei koma fyrir aftur.
