„…fái vangoldin laun með verðbótum og dráttarvöxtum.“
„Nú eru tæplega fimm mánuðir liðnir frá dómi Hæstaréttar og enn hafa félagsmenn aðildarfélaga BHM ekki fengið laun sín greidd, ef frá eru taldar þær fimm ljósmæður sem dómsmál var höfðað fyrir. Um er að ræða samtals rúmlega 300 félagsmenn Ljósmæðrafélags Íslands, Félags lífeindafræðinga, Félags íslenskra náttúrufræðinga og Félags sjúkraþjálfar,“ segir í frétt frá BHM, vegna þess að Bjarni Benediktsson þverskallast við að borga ljósmæðrum samkvæmt dómi.
„Í október á síðasta ári dæmdi Hæstiréttur ríkið til að greiða fimm ljósmæðrum vangoldin laun fyrir vinnu sem þær unnu meðan verkfall aðildarfélaga BHM stóð yfir árið 2015. Rétturinn taldi að sú ákvörðun fjármála- og efnahagsráðuneytisins að halda eftir stórum hluta af launum þeirra hefði ekki staðist ákvæði laga og kjarasamninga. Dómurinn er fordæmisgefandi fyrir aðra félagsmenn Ljósmæðrafélags Íslands sem og félagsmenn annarra aðildarfélaga BHM sem unnu í verkfallinu og sættu sambærilegum skerðingum á launum sínum.“
BHM notar ekki sterk orð yfir framgöngu Bjarna, en segir þó þetta:
„BHM lýsir yfir miklum vonbrigðum með að stjórnvöld hafi enn ekki brugðist við niðurstöðu æðsta dómstóls landsins og gert upp launaskuld ríkisins við félagsmenn aðildarfélaga bandalagsins, eins og þeim ber skilyrðislaust að gera. BHM skorar á fjármála- og efnahagsráðherra að sjá til þess að skuldin verði greidd án tafar og að félagsmenn fái vangoldin laun sín frá árinu 2015 greidd með verðbótum og dráttarvöxtum.“
Hér má lesa frétt Miðjunnar frá því í gær um þetta mál:
