Þögn Samfylkingarinnar um málefni sjávarútvegsins undir forystu bankamannsins Kristrúnar hefur vakið athygli en þessi sleikjugangur fyrrverandi þingmannsins Páls Vals við kvótaþegana gefur vísbendingar um hvert flokkurinn stefnir.
Sigurjón Þórðarson, varaþingmaður Flokks fólksins, skrifar:
Fyrrum oddviti Samfylkingarinnarí Grindavík og deildarstjóri Fisktækniskóli Íslands, Páll Valur Björnsson, flutti ástaróð til kvótakerfisins í sjávarútvegi í Bítinu í morgun. Kerfisins sem þjóðin telur gjörspillt enda er fiskurinn seldur í gegnum „sölufélög“ í skattaskjólum, kerfis sem skilar helmingi minni afla en aflaðist fyrir daga kerfisnis auk þess sem það hefur brotið niður sjávarbyggðir hringinn í kringum landið.
Flest í kveðskapnum var mótsagnakennt, en námið æðislega í Fisktækniskólanum var ekki sambærilegt við nám í Danmörku og Noregi og aðstaðan öll ævintýralega lakari hér heima en þar. Aðsóknin að náminu var heldur ekki góð og mátti skilja að helsti markhópur skólans væru grunnskólanemar sem ættu í námserfiðleikum. Engu að síður þá bar íslenskur sjávarútvegur af að mati deildarsjórans þar sem hann var flottari hagkvæmir og með frábæra útgerðarmenn sem tímdu að vísu ekki að setja krónu í fræðslustarfið hans.
Sleikjugangur fyrrverandi þingmannsins Páls Vals við kvótaþegana gefur vísbendingar um hvert flokkurinn stefnir.
Vissulega má hafa skilning á þessu aumlega jarmi sem gengur augljóslega út á að betla penginga frá SFS, en ekki þegar gripið er til beinna rangfærslna um að allt sé í kaldakoli í sjávarútvegi í Færeyjum og víðar, til að réttlæta einokunina hér, þá er of langt gengið. Færeyingar búa við lifandi sjávarútveg en þeir hafa endurnýjað skipa og bátaflotann sinn á síðustu árum, sjávarútvegsþorpin eru ekki brotin heldur blómleg og mikil sókn í atvinnulífinu. Færeyingar eru iðnir við að kaupa fisk til vinnslu sem landað frá Noregi og víðar, enda búa þeir ekki við sömu einokunina á flutningum og við sem er af sama meiði og kvótakerfi stöðnunar. Hávær opinber gagnrýni er í Færeyjum á ráðgjöf Alþjóðða hafrannsóknarráðsins enda er augljós nýleg dæmi um að Færeyingar hafi stórtapað á því að geyma fiskinn í sjónum.
Þögn Samfylkingarinnar um málefni sjávarútvegsins undir forystu bankamannsins Kristrúnar hefur vakið athygli en þessi sleikjugangur fyrrverandi þingmannsins Páls Vals við kvótaþegana gefur vísbendingar um hvert flokkurinn stefnir.
