Leiðari Benedikt Jóhannesson, formaður Viðreisnar, sér til þess að flokkur hans þarf enga andstæðinga, flokkur hans, sem er við dauðans dyr, færist nú hratt nær dauðanum. Ekki síst vegna formannsins. Benedikt er einfær um að reita fylgi af eigin flokki.
Benedikt var í viðtali í Sjónvarpinu í gær. Þar sagði hann þjóðina jafnvel ekki muna vegna hvaða máls ríkisstjórn Bjarna Benediktssonar varð að engu. Samstundist var brugðist við. Ljóst er að Benedikt er meðal örfárra Íslendinga sem man ekki hver varð banabiti ríkisstjórnarinnar.
Trúlega er flokksfélögum Benedikts illa brugðið. Viðreisn sér mikið eftir ráðherrastólunum. Svo er að skilja að flokkurinn brenni í skinninu um að komast aftur að stóra borðinu. Eigi sá draumur Viðreisnar að rætast verður formaður flokksins að gá að sér. Að gera lítið úr fólki skilar einatt ekki árangri.
Benedikt Jóhannesson tók í gær stórt stökk, afturábak.
Sigurjón M. Egilsson.
