„Bankastjóri Arion banka segir að samkeppni á íbúðalánamarkaði eigi að tryggja viðskiptavinum góð kjör þegar vextir fjölmargra lána verða endurskoðaðir á næstu mánuðum. Áhrif vaxtahækkana á íbúðalán séu enn takmörkuð,“ hefur fréttastofa RÚV eftir Benedikt Gíslasyni bankastjóra Arion banka.
Það er og. Góð kjör segir bankastjórinn. Bull.
„Við erum ekki ennþá farið að merkja aukningu í vanskilum hjá okkar viðskiptavinum,“ segir Benedikt Gíslason, bankastjóri Arion banka. „Vanskil í íbúðalánum eru enn sögulega lág. Vanskil af skammtímalánum hafa aðeins hækkað, en eru líka sögulega lág.“
Þó segir hann að greiðslubyrði heimila hafi þyngst með hækkandi vöxtum. Binditími fjölda íbúðalána renni út á þessu ári, og vextir þeirra verða því endurskoðaðir.
Einmitt. Munu vextirnir hækka eða lækka? Benedikt?
Í síðustu viku sagðist Ásgeir Jónsson seðlabankastjóri treysta á samfélagslega ábyrgð bankanna í að bjóða viðskiptavinum sínum góð kjör. Benedikt segir það hag bankanna að bjóða þeim hagstætt verð.
„Bankarnir eru að keppa á íbúðalánamarkaði á hverjum degi – innbyrðis og við lífeyrissjóði. Ég er viss um að samkeppni muni tryggja bestu fáanlegu kjör,“ segir Benedikt.
En verða eins og við eigum að venjast eða enn verri. Ekki betri er það?
Hann segir að það sé til mikils að vinna fyrir bankana að halda í þá viðskiptavini sem hafa tekið íbúðalán hjá bankanum. „Þetta eru tryggustu lán bankanna, og bankarnir vilja eiga þessar eignir og munu þar af leiðandi verðleggja þetta gagnvart viðskiptavinum sínum með samkeppnishæfum hætti.“
Bíðum og sjáum til.
