Einhleypum hælisleitendum komumst við ekki hjá að snúa við.
Ragnar Önundarson skrifar:
„Þunnt er móðureyrað“ segir máltækið. Hvernig stendur á því að lög og reglur heyra ekki og endurspegla ekki vilja almennings í innflytjendamálum? Ljóst er að sá vilji stendur til þess að börn og barnafjölskyldur skuli njóta forgangs. Kvótaflóttamönnum þurfum við að veita viðtöku eins og aðrar þjóðir. Ekki þarf að rökstyðja að Ísland getur ekki skotið skjólshúsi yfir alla þá sem hingað leita. Þetta tvennt leiðir til þeirrar niðurstöðu að einhleypum hælisleitendum komumst við ekki hjá að snúa við. Það verður best gert sem fyrst. Ísland er ekki „stórasta land í heimi“, okkur finnst það bara stundum.
