Fyrir örfáum dögum heyrði ég í einhverju útvarpi talað um stjórnmál. Bergþór Ólason var þátttakandi. Ég gat ekki fylgst með því sem þingmaðurinn sagði. Þess í stað rifjuðust upp ógeðs ummæli þingmannsins þegar hann sat drukkinn á Klausturbarnum í stað þess að vera í vinnunni. Þar sem hann átti að vera. Og hvergi annars staðar.
Miðflokksmenn hafa valið hreint galna leið. Þykjast túlka sig sem þolendur í ógeðinu í stað þess að haga sér einu sinni eins og menn.
Bróðir minn, Gunnar Smári, skrifaði í gær um Sigmund Davíð og hina fullu karlana á barnum:
„Undarlega ómerkilegur maður, útmálar sig og dónana á Klausturbar sem fórnarlömb, hina kúguðu. Þessir karlar reyndu meira að segja að fá Báru Halldórsdóttur, fátækan öryrkja dæmda. Bára er nú í Sósíalistaflokknum og er á lista flokksins í Reykjavík suður. Það segir allt um hug Sósíalista til þessa þvaðurs í Sigmundi.“
