…nánast engu var breytt og þingmenn Samfylkingr þvældust fyrir Jóni Bjarnasyni sjávarútvegsráðherra.
Sigurjón Þórðarson skrifar:
Þetta er því miður augljós og aulaleg sögufölsun hjá fyrrum formanni Samfylkingarinnar. Staðreyndin er sú að Samfylkingin féll frá öllum kröfum um breytingar á kvótakerfinu fyrir kosningarnar 2007 enda var lagt upp með að komast í samstarf með Sjálfstæðisflokknum og úr varð Hrunstjórnin illræmda, með því ágæta fólki Þorgerði Katrínu, Kristjáni Möller, Geir Haarde, Jóhönnu Sig. Ingibjörgu Sólrúnu, Guðlaugi Þór og fleiri góðum.
Eftir hrunið varð til hreina og tæra vinstristjórnin sem hafði lofað breytingu á kerfinu og hafði skýrt umboð hjá kjósendum.
Allir sjá nú hverjar efndirnar voru, nánast engu var breytt og þingmenn Samfylkingarinnar þvældust fyrir Jóni Bjarnasyni sjávarútvegsráðherra, sem lagði til ýmsar breytingar m.a. er varða makrílinn, gefa rækjuveiðar frjálsar og skötuselinn.
Í sjálfu sér er fagnaðarefni að Samfylkingin segist vilja breytingar á kerfinu nú, en allt er þetta tal óljóst og ótrúverðugt, sérstaklega ef flokkurinn gengst ekki við mistökum fortíðar.