Katrín Baldursdóttir skrifar:
VR varar Samtök atvinnulífsins við að fara í stríð við verkalýðshreyfinguna á næsta ári. Liðsmenn í landsliðið verkalýðshreyfingarinnar segja ýmsa möguleika á að sækja fram en spila ekki bara í vörn. Atvinnurekendur út úr stjórnum lífeyrissjóðanna, fulltrúar verkalýðsfélaga á þing, fjöldafundir, samstöðufundir, mótmæli og síðast en ekki síst aukin samstaða stéttarfélaga á landinu. Launafólk á ekki að borga brúsann af hamförunum vegna veirunnar. Landsliðið stendur fast á því. Allt þetta og miklu meira í jólaþætti Kaffistofunnar á Samstöðinni.