Ríkisstjórnin: Átökin magnast dag frá degi

Ágreiningurinn er ekki falinn, hann er opinber. Óðum styttist í niðurstöðuna. Gekk Benedikt Jóhannesson of langt eða leggur hann bæði Björn Bjarnason og Davíð Oddsson? Er hann nógu sterkur til þess?

Benedikt hefur búið lengi við óvild frá þeim vopnabræðrum. Hann skipti um leikaðferð, skrifaði gegn krónunni og hrakti virkan hluta Sjálfstæðisflokksins í vörn.

Enn bætir hann í. „Mér finnst svolítið kómískt að heyra að ekki megi setja fram skoðanir nema allir séu sammála um þær. Á sínum tíma fengu Íslendingar aðild að innri markaði Evrópusambandsins (sem þýðir aðild að stærstum hluta samstarfsins) fyrir harðfylgi manna eins og Davíðs Oddssonar og Björns Bjarnasonar, sem létu það ekki á sig fá þó að margir væru þeim ósammála, jafnvel innan þeirra eigin flokks,“ skrifaði hann á Facebook í gær og bætir enn í átökin.

Benedikt fær Staksteina yfir sig í dag, sem var svo sem fyrirséð. Fyrst er það háðið, sem Davíð á frekar létt með:

„Mönn­um er enn í fersku minni þegar fjár­málaráðherra kvaddi sér hljóðs á dög­un­um og vildi taka seðla úr um­ferð. Þetta var liður í bar­áttu hans gegn krón­unni en árás­in var svo frá­leit að hann dró í land dag­inn eft­ir og hafði ekki annað upp úr krafs­inu aðhlát­ur al­menn­ings. Ber­sýni­legt er að fjár­málaráðherra líkaði þetta illa svo í gær stakk hann niður penna í Frétta­blaðinu og spurði hvort fjármálaráðherra mætti hafna krón­unni, sem hann svo gerði með af­drátt­ar­laus­um hætti. Þá svaraði hann sjálf­um sér og sagði fjár­málaráðherra mega hafna krón­unni. Rök­in væru þau að fjár­málaráðherr­ar í nítj­án Evr­ópu­lönd­um hefðu „þegar hafnað sín­um miðli fyr­ir evr­una“.“

Það er ekki einsog þetta sé nóg. Davíð bætir í:

„En ætli fjár­málaráðherr­ar þess­ara nítj­án landa hafi hafnað gjald­miðli sín­um á sama hátt og Bene­dikt hafn­ar krón­unni? Nei, að sjálf­sögðu ekki. Fjár­málaráðherr­ar þess­ara ríkja voru ekki í her­ferð gegn eig­in mynt, en þeir héldu því fram á sín­um tíma að evr­an myndi þjóna Evr­

ópu bet­ur og voru þá ekki síst að hugsa um póli­tísk­ar aðstæður og frið í álf­unni. Nú hafa marg­ir hins veg­ar áttað sig á að evr­an var mis­tök sem hef­ur farið ham­förum um sum evru­rík­in. En þetta eru mis­tök sem erfitt hef­ur reynst að bakka út úr.“

Svo er það þungi málsins: „Staðreynd­in er sú að fjár­málaráðherra get­ur ekki leyft sér ít­rekaðar árás­ir á eigin gjald­miðil. Hann verður að velja á milli embætt­is­ins og evru­bols­ins.“

Bjarni Benediktsson, forsætisráðherra og formaður Sjálfstæðisflokksins, lætur enn sem allt sé í stakasta lagi. Meðan hann gerir ekkert eða segir ekkert harðna átökin, dag frá degi.

-sme