Stjórnmál Það munar ekki um viðbrögðin í Sjálfstæðisflokknum við grein Ásmundar Friðrikssonar. Flokkurinn logar stafnanna á milli. Þar sakar hver annan um hræsni.
„…hræsnararnir í Sjálfstæðisflokknum láta ekki sitt eftir liggja í óhemjuskapnum, missa á sér stjórn í taugaveiklun og leggja helst til, að kjósendur flokksins í Suðurkjördæmi striki Ásmund út af framboðlistanum í kosningunum á næstunni, sem þaggi þannig endanlega niður í honum, að hann verði „hinni endanlegu lausn“ að bráð,“ skrifar Páll Bragi Kristjónsson.
Eini þingmaður flokksins sem hefur blandað sér í málið er Áslaug Arna Sigurbjörnsdóttir varaformaður. Hún hefur ímugust á skrifum Ásmundar. Páll Bragi er ekki sáttur við varaformanninn.
„Hinn nýlega uppdubbaði varaformaður flokksins til brábirgða með ólýðræðislegri skemmri skírn til þess embættis fer svo fremst í flokki faríseanna. Ætla alvöruforystumenn flokksins að láta átölulaust fótum troða einstaklingsréttinn, skoðanaréttinn og tjáningarfrelsið?“
Þarna er hoggið. Áslaug Arna, ritari og varaformaður, sögð vera ekki alvöruforystmaður.
Viðbrögð, við grein Ásmundar, eru allskonar. Margir eru á móti því að hann hafi skrifað það sem hann gerði meðan margir fagna honum. Klappa hann upp.
Ásmundur leysti vind og allt er galið í flokknum. Margir flokksfélagar eiga erfitt með að sættast á bága stöðu flokksins og nú hefur verið efnt til innanflokksátaka. Og það nokkuð mikilla.
Það eru tæpar tvær vikur til kosninga. Sjálfstæðismenn ætla að sjá um sig.
-sme
