Guðrún Hafsteinsdóttir er sigurvegar í prófkjöri Sjálfstæðisflokksins í Suðri. Vilhjálmur Árnason þingmaður atti kappi við Guðrúnu um fyrsta sætið. Og tapaði. Ásmundur Friðriksson sóttist eftir öðru sæti listans en féll um eitt sæti frá síðasta prófkjöri og fékk þriðja sæti. Sem kann að verða fallsæti.
Guðrún kemur ný inn. Páll Magnússon, núverandi oddviti flokksins, hafi tilkynnt að hann myndi sækjast eftir að halda sæti sínu. Þegar Guðrún gaf kost á sér dró Páll framboð sitt til baka. Hann er þessu kænni en þeir Vilhjálmur og Ásmundur.
Auk þess að starfa fyrir Kjörís hefur Guðrún verið innanbúðar í Borgartúni 35, sem formaður Samtaka iðnaðarins og varaformaður Samtaka atvinnulífsins.
Ekki er á vísan að róa fyrir Ásmund Friðriksson. Sæti hans kann að vera í hættu.