„Það vakti athygli að þingmaður Samfylkingarinnar Oddný Harðardóttir studdi ekki ríkisábyrgð fyrir Icelandair í atkvæðagreiðslu í þingsal í kvöld,“ skrifaði Ásmundur Friðriksson Sjálfstæðisflokki í gærkvöld.
„Ríkisstjórnin tekur lágmarksáhættu með því að Alþingi samþykkti ríkisábyrgð fyrir Icelandair einn stærsta vinnuveitenda á Suðurnesjum. Þúsundir starfa eru í húfi og hundruð þeirra eru á Suðurnesjum auk þúsunda afleiddra starfa. Það er öfugsnúið að þeir þingmenn sem kalla eftir fleiri störfum og tækifærum þegar tugir þúsunda eru atvinnulausir greiði ekki götu þessa mikilvæga máls og ljái því atkvæði. Í staðinn vilja þeir setja framtíð Icelandair og heimahöfn þess á Keflavíkurflugvelli í hættu og þúsundir starfa,“ skrifar Ásmundur.
Hann lét þess ógetið að flokksystir hans, Sigríður Á. Andersen var sama sinni og Oddný.
