Stundum hefur virst sem Ásmundur Friðriksson sé einn. Eigi enga vini sem leiðbeini honum og vari hann við. Ási á það nefnilega til að missa sig, meira en aðeins. Segja of mikið.
Í gær bar svo við að einhver vina Ása steig fram og hvatti hann til að hugsa sig um. Það varð þá til þess að hreint ómögulegt tillegg Ása til ljósmæðradeilunnar var tekið úr umferð.
Enn og aftur reyndist það of seint. Einhverjir voru sneggri en Ási og náðu skjámynd af færslunni. Betra seint en aldrei á því ekki við í þessu tilfelli.
Ási situr uppi með skömmina. En það góða er að það hefur sannast að til er fólk sem vill Ása vel.
- Advertisement -
