Það var óvænt þegar Katrín Jakobsdóttir kallað á Guðmund Inga Guðbrandsson til að vera ráðherra umhverfismála. Hafandi Ara Trausta Guðmundsson í þingflokknum. Ari Trausti þarf svo sem ekki að kvarta, enda gerir hann það ekki að best er vitað. Hann er meðal annars formaður Þingvallanefndar sem þykir mikið fínt. Á sumum stöðum.
Ari Trausti telur þörf á að vita um grunn Guðmundar Inga og hefur lagt fyrir hann tvær grunnspurningar.
„Hver telur ráðherra að séu brýnustu verkefni samfélagsins við aðlögun að loftslagsbreytingum og afleiðingum þeirra?“ Þannig er sú fyrri. Mikið á vera ef grunn atriði sem þetta hefur ekki margsinnis verið rætt í þingflokki þeirra.
Seinni spurningin er ögn flóknari, samt af léttara taginu: „Hvernig geta Alþingi, ríkisstjórn og sveitarfélög haft forystu um að unnin verði handbær aðgerðaáætlun á næstu árum vegna aðlögunarinnar?“