Hvað lífið getur verið ósanngjarnt. Er það ekki ótrúlega vont, og jafnvel ósanngjarnt, að leyndin yfir launasjálftöku Ármanns Kr. Ólafssonar, og annarra í bæjarstjórn Kópavogs hafi spurst út? Og ekki nóg með það, heldur gerist það skömmu fyrir kosningar.
Ármann sagði, í einhverjum fjölmiðli, tímasetningu fregnanna af launahækkun hans ekki vera tilviljun. Mikið er þetta ósanngjarnt. Og Ármann sem hélt að það væri svo snjallt að búa í Kópavogi. Svo virðist ekki vera. Aumingja Ármann.
Björn Leví finnur ekki svo mikið til Ármanni.
„Mátti ekki frétta af þessu fyrr en eftir kosningar? Er það málið? Opið bókhald Kópavogs var óuppfært fyrir árið 2017. Hverjir báðu um að það væri uppfært fyrir kosningar? Er það óeðlileg beiðni að biðja um að að öll spilin séu lögð á borðið fyrir kosningar? Annað en flokksfélagi þinn hann Bjarni gerði þegar hann stakk skýrslu ofan í skúffu, Ármann Kr. áfram í 1. sæti?“
Björn Leví getur ekki hætt og segir svo: „Að reyna að gera fyrirspyrjandan grunsamlegan er lélegur strámaður þegar málið er óverjanlegt.“
Ekkert má nú.
