Ætli málið verði ekki afgreitt í einhverju hliðarspjalli. Ekkert aðhald og engin efnahagsleg þekking. Bara svona létt blaður.
Atli Þór Fanndal skrifar:
Í gær samþykkti Alþingi að dæla milljörðum almennings í að borga fyrirtækjum fyrir að reka almenning. Þetta er andstyggileg stefna en hún er líka bara stórhættuleg og kreppuhvetjandi. Þingið var í rugli í gær og fundað var í hverju einasta horni. Þingfundi var ítrekað frestað. Rúv hefur enn ekki gert þessu almennilega skil. Það var ekkert um þingið í gær og ekki hefur það verið bætt í morgun með góðri umfjöllun og yfirferð. Ríkisstjórnin gat í gær fjármagnað stéttabaráttu Eyngeyinga gegn almenningi an þess að einn fjölmiðill fylgdist með.
Ætli málið verði ekki afgreitt í einhverju hliðarspjalli. Ekkert aðhald og engin efnahagsleg þekking. Bara svona létt blaður.
Það er mikilvægt að hafa ríkissjónvarp. Það þarf bara ekki að heita RÚV. Þessi stofnun hefur brugðist algjörlega í að veita aðhald í gegnum COVID. Þvert á móti hefur fréttastofa verið eins og klappstýrur. Það er eitthvað alvarlegt að Ríkisútvarpinu okkar.
Greinin birtist fyrst á Facebooksíðu Atla Þórs.