Hallur Hallsson gagnrýnir Stöð 2 harkalega. Honum þykir bandaríski sendiherrann hér verða fyrir mikilli ósanngirni. Yfirskrift skrifa Halls eru: „VÔDÔ – F R É T T I R“.
Greinin er svona:
„Stöð 2 í boði Glóbal vodafon bauð þjóðinni upp á einhvern svakalegasta róg níð rætni & fordóma sem ég hef séð í íslensku sjónvarpi & er þá langt til leitað. Kjánaprik sem kann ekki fagið fjallaði um frétt CBS um ameríska Ambassadorinn á Íslandi; Jeffrey Ross Gunter um áhuga hans á lífvörðum & byssu í vasa. Hann er gyðingur. Fréttinni er ætlað að ala á illsku heift & hatri í garð Ameríku sem virðist glóbalistum á VÔDÔ fréttum sérstakur þyrnir í augum enda neitar forsetinn að skrifa upp á trúboðið um New World Order Alheimsstjórn & niðurbrot þjóðríkja.
…sem sérstöku ljúfmenni & gæðablóði svo af ber.
Kona full heiftar á útopnu var leidd fram til að úthúða „rasistanum“ Trump Ambassadornum & Ameríku. Konan hyggst fá íslensk stjórnvöld til þess að vísa Ambassadornum úr landi af því hún skammast sín fyrir manninn. Rétttrúnaðurinn fór á límingunum á dögunum þegar Ambassadorinn kallaði Covid því svakalega nafni Kína-vírusinn. Ingólfur Bjarni á RUV flutti að mestu yfirvegaða frétt þó hann hafi ekki staðist freistinguna að þýða hið meinlausa orð paranoid sem ofsóknarbrjálæði. Hefði vænisýki ekki verið betri þýðing? En það var meinlaust miðað við kjánaprikin á Stöð 2.
Nú er það svo að glóbal Vodafon heldur úti svæsnum áróðursmiðlum til dýrðar glóbalisma dásemd alheimsríkisins & hins nýja Evrumanns sem á að koma í stað Íslendings á gúmmískóm með hor í nös. Íslenskt fullveldi & Trump í Ameríku er að þvælast fyrir, svo karlinn fær það óþvegið frá VÔDÔ miðlum 24/7. VÔDÔ er ekkert að segja þjóðinni frá þessu hugðarefni sínu að brjóta á bak aftur lýðveldið & framselja Brussel íslenskt fullveldi, fiskimið, orku, vatn, landbúnað, olíu & eina stærstu efnahagslögsögu veraldar.
Snoturt ekki satt … Þetta er í boði Heiðars sem er ekki lengur Már & öflugustu valdaættar landsins.
Svona í lokin: Embættismaður í sendiráðinu lýsti Ambassadornum fyrir nokkrum vikum sem sérstöku ljúfmenni & gæðablóði svo af ber. Ég hef aldrei hitt manninn en sýnist af myndbrotum sendiráðsins að maðurinn standi undir því að vera kallaður ljúfmenni & gæðablóð.“