Akureyrabær hýrudró trúnaðarmann
Sá var á trúnaðarmannanámskeiði. Bærinn neitaði að borga og fór í mál sem hann tapaði.
Ágreiningur milli bæjaryfirvalda á Akureyri og konu sem starfar hjá bænum, þar sem hún er trúnaðarmaður, fór alla leið í gerðardóm þar sem bærinn, þrátt fyrir skýrt ákvæði í kjarasamningi neitaði að borga konunni laun meðan hún sótti trúnaðarmannanámskeið.
Bærinn þarf að borga hálfa milljón í málskostnað og að sjálfsögðu laun konunnar.
Konan vinnur vaktavinnu og námskeiðið skaraðist að hluta til á vaktirnar hennar. Bærinn vildi að konan færði vaktirnar til, þannig að hún kæmi til vinnu eftir að námskeiðinu lauk, ynni þannig að af sér skyldur sínar sem trúnaðarmaður. Námskeiðið var stutt, aðeins þrír dagar.
