Þrátt fyrir að Mannréttindadómstóll Evrópu ætli að flýta sem mest hann má dómsmeðferð vegna skipunar dómara í Landsrétt, er fjarri að það raski jafnvægi Sigríðar Á. Andersen dómsmálaráðherra. Hún er afslöppuð þrátt fyrir allt og allt.
Afar sjaldgæft er að mál fá aðra eins hraðameðferð hjá Mannréttindadómstólnum og Landsréttarmálið. Það raskar ekki jafnvægi ráðherrans.
Ísland ber að skila greinagerð ekki síðar en 18. ágúst. „Íslensk stjórnvöld munu svara fyrirspurnum dómstólsins með greinargerð í sumar og vonandi verður mál þetta afgreitt í haust,“ segir Sigríður í samtali við Fréttablaðið í dag.
Þar talar manneskja sem er viss í sinni sök.
-sme
